ТВ5 сувгаар өнөөдөр СКАНДАЛ гэдэг нэвтрүүлэгт оролцов. Шууд дамжуулсан энэ нэвтрүүлэг нэг мэдэхэд л дуусчихсан. Холын хүнээс үг сонс гэдэг шиг түүний үг яриаг нь чагнан байтал бүтэн цагийг өнгөрөөчихөж. Ярьж байгаа зүйлс нь анхнаасаа л таалагдлаа. "Ирж явтал ямар их машинтай болчихсон юм бэ? Таксины жолооч түгжрээд стресст орчихсон явна. Би тэгээд нэг дугуйтай болсон нь дээр юм байна гэж бодсон, дугуй авах гэж байгаа" гэв.
Хүмүүсээс олон сайхан ижилхэн санаа гардаг. Гэвч түүнийг олон нийтэд хэрхэн хүргэх, нийгэмд дуулгахаараа л ялгагдана байх. Над шиг энгийн оюутны хэлж, ярьж байгаа зүйл олон нийтэд хүрэхэд жаахан хүндрэлтэй байж болох. Гэтэл шууд дамжуулж байгаа телевизийн сувгаар олонд танигдсан "Амая" гэдэг ах ярьж, санаагаа илэрхийлэхэд шууд л нийгэмд хүрнэ биз дээ.
Залуусын сүүлийн үед хошууран байгаа электро, транс хөгжим, "ДиЖэй" урлаг, "БэтБокс" зэргийн суурийг монголдоо тавьж байсан хүний санааг залуус л дэмжинэ. Түүнийг дугуй унаад эхлэхээр дугуйг хэрэглээгээ болгох хүний тоо өснө өө дөө.
Хэрэглээ хаана байна тэнд зохицуулалт хэрэгтэй болохоор дугуйчдын тоо өсөх тусам унадаг дугуйгаар зорчигчдод зориулсан орон зайг бий болгоно. Амай ахад талархъя аа.
Тэгээд бас болоогүй тэр хүний хэлж ярьж байгаа зүйлээс гэгээрсэн ч юм шиг, эсвэл бясалгагч ч юм шиг шинжтэй үгс гарч байлаа. Тухайлбал, эх орон төрсөн гэртээ ирээд цэвэрхэн хувцас сольж өмсөнө гэдэг нэг л сонин санагдсан гэсэн. Залуус үнэтэй гар утас, нэг сая төгрөгний үнэтэй дугаарыг барихын төлөө байна. Гэтэл эдгээр нь хэлбэр, хоосон зорилго, биед наалдахгүй "жаргал" юм. Тэр утастай байлаа гээд сайхан амьдрах уу гэвэл үгүй. Харин ч эргээд бухимдал бий болгоно. Материаллаг зүйлд хэт дурлан шунахыг тэрээр дэмий зүйл гэдгийг мэдсэн байх нь.
Бас нөгөө талаас ажил хийгээд, мөнгө олоод түүнийгээ дээрх "хэрэггүй" зүйлсд зарцуулж байснаас хямдханаас Шанхай ортол аялахад зарцуулж болохыг зөвлөж байсан. Холоос ирсэн хүн гэж шал өөр байгаа юм шүү. Д.Нацагдорж "Хуучин хүү" өгүүллэгт "... хөмөрсөн тогоонд амьдарч буй..." гээд л гардаг даа. Хэдийгээр өнөөдөр телевиз, радио, сонин хэвлэл, интернэт хөгжсөн байгаа хэдий ч бид хөмрөөстэй тогоогоо бүрэн нээж чадаагүй л байна.
Өмнө нь хүчин зүтгэж байсан хөгжмийн салбартаа ямар хувьсал хийх гэж байна вэ гэтэл амьдаар электро хөгжим тоглодог "Аандр-воорлд" гэдэг хамтлаг байна. Бүх "ДиЖэй" нар дор бүрнээ тийм амьдыг хийж чадахгүй учраас нийлээд тоглодог болъё гэж хэлж байна лээ. Өнөөх хөгжимчдийг эргүүлээд нэгтгэхийг хүссэн байх нь. Амай ахдаа дахиад талархъя аа.
AAMJILT!!!
Mongoliin zaluusiin dund huvisgal hiigeerei...
