Залуу Элч сэтгүүлч оюутны клубын танилцуулга

Клубын алсын хараа:Эх хэл соёлоо эрхэмлэн дээдэлж, сэтгүүл зүйн үүрэг зарчмын дагуу хүн бүрийг мэдээллээр хангах, манлайлагч Залуу элчүүд болох.

Клубын уриа: Цаг хугацаанаас өрсөж ертөнцийн чимээг түгээнэ
Клубын зорилго: Сэтгүүл зүй сонирхогч оюутнуудын хүсэл, сонирхолд үндэслэсэн нэгтгэл байж, өөрсдийгөө дадлагажуулан суралцаж хөгжихийн зэрэгцээ бусдыг мэдээллээр хангаж, идэвхитэй үйл ажиллагаанд уриалагч эрч хүчтэй хамт олон байх.

Клубын зорилтууд:
- Мэдээллийн самбарыг байнгын ажиллагаатай байлгаж, МУИС-ийн нийслэл дэх нийт оюутны талаас илүү хувьд таниулах.
- Клубыг мэдээллээс өөр салбарт ангилж, үйл хэрэг гүйцэтгэгч хамт олон болгох.
- Сургалтын чанарт холбогдох байгууллагаас хийсэн дүн шинжилгээнд тулгуурлан анализ хийж оюутнуудад хүргэх.
- Албан ёсны байгууллагуудтай хамтран ажиллаж тэднээс дэмжлэг авах.
- Сургуулиа тохижуулахад хувь нэмэр оруулж, дотоод орчинг суралцахад таатай болгох.

Клубын зохион байгуулал
Клубын гишүүнчлэл нээлттэй, сайн дурын байх бөгөөд бүх гишүүд тэгш эрхтэй байна. Ахлагч нь тодорхой үйл ажиллагаанд удирдахаас бусад үед гишүүдтэйгээ адил эрх үүрэгтэй байна. Клубын зохион байгуулалд шаардлагатай албыг хурлаар шинээр оруулж, татан буулгаж болно.

1. Ахлагч/тэргүүн/ Б.Ганбилэг
2. Цаг бүртгэл хариуцсан гишүүн Т.Жанерке
3. Нарийн бичгийн дарга Д.Идэржаргал
4. Харилцаа холбооны алба Э.Хулан

Клубын дүрэм журам
- “Залуу Элч” клуб нь МУИС-ийн оюутан конгресст харъяатай, МУИС-ийн клубуудын зөвлөлд гишүүн клуб.
- Сэтгүүл зүйн клубын бүх үйл ажиллагааг сэтгүүлчийн үүрэг, зарчим, ёс зүйд нийцүүлэн хэрэгжүүлнэ.
- Аливаа үйл ажиллагаанд ардчиллын зарчмыг баримтална.
- Клубын хамт олон өөрсдийгөө хөгжүүлэхийн төлөөх шинэлэг үйлсийг санаачлан хэлэлцэж байна.
- Нийт оюутнуудын дунд зохиох үйл ажиллагааг өргөжүүлэн шинэчилж байна.
- Нэг гишүүн хамт олондоо, нийт нь нэгж гишүүндээ ахиц олгохын төлөө байнгын боломж эрэлхийлэгч, хайгуулч байна.
- Гишүүдээс оруулж байгаа бүх л шинэлэг санаачлагыг нийт гишүүдийн олонхиор /70%/ хэлэлцэн батална.
- Аливаа үйл ажиллагааг олонхиор баталсны дараа гардан гүйцэтгэх багийг бүрдүүлэн томилж, гүйцэтгэх үүрэг, даалгаврыг тодорхойлно.
- Нийт гишүүдэд үйл ажиллагаа бүрийг дүгнэсэн амжилт ба дутагдлын болон санхүүгийн тайланг байнга хийж байх.
- Клубын гурав хүртэлх гишүүнийг идэвхи чармайлтыг нь хэлэлцэн урамшуулна.
- Гишүүдийг урамшуулах зорилгоор хуримтлуулах санд сар бүрийн эхний хурлаар 1000 төгрөг хураалгадаг байна.
- Цагийн менежментийг гишүүн бүрт хэвшүүлж, товлосон цагаасаа шалтгаангүйгээр хоцорвол бусдыгаа хүндэтгээгүй гэсэн үндэслэлээр хариуцлага тооцох. Хоцорсон гишүүн өөрийн авъяасыг нээн харуулах, олны өмнө нүүр хагарах, мэдээлэл өгөх гэх мэт арга замаар.
- Хурлаар шинэлэг шийдвэр гаргах боломжтой байх бөгөөд шинээр оруулах асуудлыг нухацтай хэлэлцэж, үр дүнг нэмэгдүүлнэ.
- Хурлыг Лхагва гариг бүрийн 16 цаг 30 минут, Баасан гариг бүрийн 13 цагт YARD ТББ-ын сургалтын өрөөнд хийж байх.
- Хурал хэлэлцүүлэг нь зөвхөн яриа, хурлын тэмдэглэл төдийхнөөр цаасан дээр хоцрох биш ажил хэрэг болгож, үр дүнг үргэлж нэгнээсээ шаарддаг байх.
- Дараагийн хурлаар хэлэлцэх асуудлыг хурлаасаа тодорхойлдог байх.
- Гишүүдийг адил, тэгш эрхтэй байлгах үүднээс дараагийн хурлыг удирдан явуулах хүнийг хурлын төгсгөлд сонгож байх.

Клубын үйл ажиллагаа
- Клубын үндсэн үйл ажиллагаа нь өөрсдийгөө хөгжүүлэх, бусдад мэдээлэл хүргэх үүднээс мэдээллийн самбарыг ажиллуулах
- МУИС-ийн сэтгүүл зүйн тэнхим, ХХЗЭ ТББ-ын хамтран гаргадаг “Залуу Элч” сэтгүүлийг ажиллуулах
- Оюутан залуусын дуу хоолой, үзэл бодлын гүүр байхын тулд холбогдох ажлыг зохион байгуулах \Харилцах хайрцаг\
- Оюутнуудын дунд байнгын тэмцээн, уралдаан, өрсөлдөөнийг бий болгосон үйл ажиллагаа явуулах
- Тэнхимийн оюутнуудад зориулсан блог ажиллуулах
- Гишүүдийн хөгжилд хувь нэмэртэй ажлуудыг зохион байгуулах

Залуу Элчүүд Мэндчилж байна

Байгуулагдаад нэг сарын хугацааг үдээгүй байгаа бидний хувьд зохион байгуулалаа хийж дууслаа. Сэтгүүл зүйн ухааны онолыг, дадлагын хичээлийг илүүгээр судлах гэсэн хүсэлдээ тулгуурлан бид нэгдэлээ байгууллаа. Клубын маань гишүүнчлэл сэтгүүл зүй сонирхдог хэн бүхэнд нээлттэй, сайн дурынх байх бөгөөд та алс холоос бидэнтэй нэгдэхэд таатай хүлээн авах болно.

Улс оронд дөрөвдөгч засаглалын үүргийг гүйцэтгэж, ард олны дуу хоолой байр суурийг төрийн удирдлагад хүргэдэг гүүр болдог үүднээсээ бид өнөөдрөөс энэ ажилдаа илүү их дадлагажихгүй бол, өөрсдийн санал санаачилгыг ажил хэрэг болгохгүй бол дипломоо гардан авсны дараанаас сэтгүүлч болох юм шиг сэтгэвэл их цаг, боломжийг алдахад хүрэх нь. Тийм ч учраас өнөөдөр таны нүдний өмнө буй энэ бичвэрийг тэрлэн суугаа бид яг одооноос сэтгүүлчдийн тогоонд өөрсдийгөө шахан оруулахаар эрмэлзэж байна.

Нийгмийг цэвэршүүлэх нь хүн бүрийг хөгжүүлэх, хүн бүрийг хамгаалахтай эргээд холбогдож болно. Тэр ч утгаараа танд, таны гэр бүлд, ойрын хүрээнийхэнд, хамт олонд тань хандсан үйл ажиллагаагаа бид хийх болно. Эхлэл нь харин энд, бидний нэгдэж буйн утга учирт бий. Уншигч танд сайхан бүхнийг амлаж чадахгүй ч хамтран ажиллахад хэзээд бэлэн байхыгаа илэрхийлье. Сайн сайхан бүхнийг хүсэн ерөөе.

Эх орон хаана оршдог вэ гэдэг асуултыг олон удаа сонссон байх. Хариултыг нь ч бас олон янзаар сонссон биз. Харин "Та эх орныхоо төлөө юу хийсэн бэ?" гэдэг асуулт, түүний хариултыг хэр их сонссон бэ? Эх нутгийнхаа төлөө сэтгэлээ чилээхийг хүсвэл бидэнтэй нэгдээрэй. Залуу Элчүүд тантай хамт байх болно. Баярлалаа ;)